"Наполи" А Сериянинг 33-туридан сўнг "Интер"га етиб олди.
Бугун Симоне Индзаги шогирдлари меҳмонда "Болонья"га имкониятни бой беришди (0:1). "Наполи" шанба куни "Монца"ни 1:0 ҳисобида мағлуб этди.
Чемпионат тугашига 5 та тур қолганида "Интер" ва "Наполи" 71 очкодан жамғарган ҳолда турнир жадвалида мос равишда 1 ва 2-ўринларда бормоқда – "нерадзуррилар" қўшимча кўрсаткичлар бўйича олдинда.
"Аталанта" 32 ўйинда 61 очко билан А Серияда учинчи ўринда - бугун Бергамо жамоаси "Милан" билан ўйнайди. Тўртинчи ўринда "Болонья", бешинчи ўринни "Ювентус" эгаллаб турибди. Туринликлар эртага "Парма" билан ўйнайди.
