"Милан" бош мураббийи Сержиу Консейсау мавсум якунлангач, клубни тарк этади.
Мутахассис ўтган йилнинг декабрь ойи охирида лавозимга киришган, бироқ орадан ярим йил ўтар-ўтмас томонларнинг ҳамкорлиги тўхтайдиганга ўхшайди. Таниқли инсайдер Фабрицио Романонинг ёзишича, барчаси "Милан" ёзда Консейсау билан хайрлашишини кўрсатмоқда. Лондоннинг "Челси" клубидан ижарага олинган ҳужумчи Жоау Феликс ҳам жамоада қолмайди, дея қўшимча қилади манба.
Якшанба куни "россонерилар" А Серия 33-тури доирасида ўз уйида "Аталанта"га имкониятни бой бериб қўйди (0:1). Миланликлар 51 очко билан турнир жадвалида тўққизинчи ўринда бормоқда.
