"Milan" bosh murabbiyi Serjiu Konseysau mavsum yakunlangach, klubni tark etadi.
Mutaxassis o‘tgan yilning dekabr oyi oxirida lavozimga kirishgan, biroq oradan yarim yil o‘tar-o‘tmas tomonlarning hamkorligi to‘xtaydiganga o‘xshaydi. Taniqli insayder Fabrisio Romanoning yozishicha, barchasi "Milan" yozda Konseysau bilan xayrlashishini ko‘rsatmoqda. Londonning "Chelsi" klubidan ijaraga olingan hujumchi Joau Feliks ham jamoada qolmaydi, deya qo‘shimcha qiladi manba.
Yakshanba kuni "rossonerilar" A Seriya 33-turi doirasida o‘z uyida "Atalanta"ga imkoniyatni boy berib qo‘ydi (0:1). Milanliklar 51 ochko bilan turnir jadvalida to‘qqizinchi o‘rinda bormoqda.
