Лондоннинг “Челси” клуби вингери Педро Нету Aнглия Премьер-лигасининг 33-турида “Фулхэм”га қарши ўйинда (2:1) урган голи ҳақида гапирди. Ҳужумчи 90+3-дақиқада гол уриб жамоасига ғалаба келтирди.
"Мен тўпни қўлга киритгач, орқага ўгирилиб, унга имкон қадар кучли зарба бердим ва у дарвозага кириб кетди. Биринчи ҳолатда Лено ақл бовар қилмайдиган сейв амалга оширди ва мен шунчалик хафа бўлдимки, иккинчи ҳолатда зарбага бор кучимни сарфлашга тўғри келди. Шунинг учун ҳам жамоага ёрдам бера олганимдан хурсанд бўлдим ва биз уч очко олдик", - деди Нету.
Ушбу ўйиндан кейин "Челси" 57 очко жамғариб, AПЛ турнир жадвалида бешинчи ўринда бормоқда.
