Ўзининг энг ёрқин йилларини "Милан"да ўтказган бразилиялик собиқ футболчи Кафу клубнинг жорий мавсумдаги воқеаларига изоҳ берди. Унинг фикрича, клуб раҳбарияти чемпионат давомида мураббийни алмаштирмаслиги керак эди. Эслатиб ўтамиз, "Милан" мавсумни Паулу Фонсека билан бошлаган бўлса, кейинчалик клубни унинг ҳамюрти Сержиу Консейсау қабул қилиб олди.
"Мен ҳар доим мавсум давомида мураббийни алмаштиришга қарши бўлганман. Ҳар бир мутахассиснинг бутун чемпионатга мўлжалланган ўз дастури бор. Мавсум ўртасида уни тўхтатиб қўйиш мураббийга нисбатан катта хато", - дея Кафунинг сўзларини келтиради pianetamilan.it.
"Милан" А Серияда тўққизинчи ўринда бормоқда. Чемпионат якунланишига 5 тур қолди.
