Испаниянинг "Атлетико" клуби "Тоттенхэм" ҳимоячиси Кристиан Ромерони клублар ўртасидаги жаҳон чемпионати олдидан сотиб олишни якунламоқчи.
Daily Mirror нашри хабарига кўра, "Атлетико" бош мураббийи Диего Симеоне шахсан ўз ҳамюрти Ромерони сотиб олишга қизиқмоқда.
Симеоне ҳимоясини кучайтириш учун Ромерони ўзининг биринчи рақамли нишонига айлантирди ва 26 ёшли аргентиналик футболчини 1 июндан 10 июнгача бўлган махсус трансфер ойнасида ўтишини таъминлашга умид қилмоқда.
Мадридликлар Ромеронинг "Тоттенхэм"даги тўрт мавсумидан сўнг клубини ўзгартиришга тайёр бўлишига ишонмоқда.
"Атлетико" "Тоттенхэм" Ромерони 45 миллион фунт стерлингга қўйиб юборишини кутмоқда.













