Англия терма жамоасининг собиқ футболчиси, ҳозирда телевидениеда фаолият юритаётган Гарри Линекер трансляциялар нуқтаи назаридан қайси йирик мусобақа унга кўпроқ ёққанини айтиб ўтди.
"Мен кўрсатувлар олиб борган севимли йирик турнир? Қатардаги жаҳон чемпионати, чунки биз ҳар бир ўйин пайтида стадионда бўлдик ва унинг атмосферасини ҳис қила олдик," - дея Линекернинг сўзларини келтиради FourFourTwo.
Мутахассиснинг фикрича, бу студияда ўтириб, у ердан репортаж олиб боришдан кўра анча яхши.
Шуни ҳам қўшимча қилиш керакки, 26 йил давомида Match of the Day бошловчиси сифатида ишлаган Линекер бу кўрсатувни тарк этади. У ёзда клублар ўртасидаги жаҳон чемпионати ва Англия кубоги ўйинларида ишлайди.
