"Манчестер Сити" бош мураббийи Хосеп Гвардиола Англия Премьер-лигасининг 34-туридан ўрин олган "Астон Вилла"га қарши ўйиндан нималар кутаётгани ҳақида гапирди.
Испаниялик мутахассиснинг таъкидлашича, бу ўйинни сўзсиз "финал" деб аташ мумкин.
"Шундан сўнг "Вулверхэмптон" билан ўйин яна финалга айланади. Ҳар бир ўйиннинг аҳамияти бор. "Астон Вилла" - Чемпионлар Лигаси йўлланмаси учун даъвогар. "ПСЖ" ва дўстим Луис Энрикега қарши ўйин менда катта таассурот қолдирди. Улар паст блокда ўйнашлари мумкин, уларнинг тезлиги ва стандарт вазиятлари билан бу қуролга айланади," - дея Гвардиоланинг сўзларини келтиради клуб расмий сайти.
