Миржалол Қосимов бош мураббийлигидаги Ўзбекистон миллий терма жамоаси 13 июнь куни Қатар терма жамоасига қарши ўйин олдидан машғулотларини бошлади. Терма жамоа аъзолари ўз машғулотларини Тошкентдаги «ЖАР» стадионида олиб бормоқда.
Эслатиб ўтамиз, 11 июнь куни шунингдек Ўзбекистон миллий терма жамоаси Сеулда Жанубий Корея терма жамоасига қарши тўп сурди ва 0:1 ҳисобида имкониятни бой берди.
ЖЧ-2014 саралаши, 4-босқичи сўнгги туридан ўрин олган Ўзбекистон ҳамда Қатар терма жамоалари ўртасидаги учрашув 18 июнь куни Тошкентдаги «Бунёдкор» стадионида бўлиб ўтади. Ўйин соат 17:00да бошланади.
Қуйида Ўзбекистон миллий терма жамоасининг «ЖАР» стадионида олиб борган машғулотларидан фотосуратларни томоша қилишингиз мумкин. Суратлар муаллифи ЎФФ матбуот хизмати фотомухбири Ҳасан Пирмуҳамедов.
