Мадриднинг "Реал" клуби қанот ҳимоячиси Фран Гарсия яқин трансфер ойнасида клубни тарк этиши мумкин. Бу ҳақда Diario AS хабар бермоқда.
Манбага кўра, ҳозирча 25 ёшли испанияликнинг жамоадаги келажаги ноаниқлигича қолмоқда, аммо "Реал" ҳимоячининг даражаси клуб амбицияларига мос келишига шубҳа билан қарамоқда.
Фран Гарсия - "Реал" тарбияланувчиси. Жорий мавсумда у барча турнирларда 40 та учрашувда иштирок этди ва ўз ҳисобига тўртта голли узатмани ёздириб қўйди.













