"Реал" форварди Винисиус Жуниорнинг келажаги ҳамон муҳокама қилинмоқда. Пайшанба куни The Athletic саҳифаларида бразилиялик футболчининг ҳолати ҳақида кенг материал эълон қилинди. Унда айтилишича, Винисиуснинг атрофидагилар Винисиус шартномани 2029/2030 йилги мавсум охиригача узайтиришга яқинлиги ҳақидаги маълумотни рад этишган.

Шунингдек, мақолада анонимлик шарти билан гапирган "Реал"даги манбадан инсайд келтирилган. Бу инсон 2024/2025 йилги мавсум давомида Винисиус билан мулоқотда бўлган ва бразилиялик Саудия Арабистонидан бўлган таклиф унга жуда маъқул келаётгандек таассурот қолдирган. "Реал"да Винисиус трансфери амалга ошиши мумкинлиги ҳақида тасаввур бор, чунки Саудия Арабистонидан келадиган таклиф молиявий жиҳатдан рад этиб бўлмайдиган даражада бўлиши аниқ.