Мадриднинг "Атлетико" клуби ҳужумчиси Хулиан Альварес бир мавсумда гол уриш бўйича шахсий рекордини янгилади.
25 ёшли футболчи пайшанба куни бўлиб ўтган Ла Лига доирасидаги "Райо Вальекано"га қарши ўйинда (3:0) ўз ҳисобига гол ёздириб қўйди. Энди Альвареснинг ҳисобида жорий мавсумда "матрасчилар" сафида барча мусобақаларда 50 та баҳсда 27 та гол бор - шахсий рекорд. 2021 йилда аргентиналик футболчи ўз ватанида "Ривер Плейт" сафида 26 марта рақиб дарвозасини ишғол қилган.
Хулиан Альварес "Атлетико"га ўтган йилнинг ёзида Англиянинг "Манчестер Сити" клубидан кўчиб ўтган эди. Трансфер Мадрид клубига 75 млн еврога тушган.













