Матбуот анжуманининг иккинчи қисмида “Нефтчи” жамоаси катта мураббийи Шамиль Исеев қатнашди.
- Бугунги ўйинида омадимиз келмади. Учрашув бошида ўтказиб юборган гол ўз таъсири ўтказди. Жамоада иш бошлаганимга кўп вақт бўлгани йўқ. Секин аста муҳитга мослашиб, кимнинг қандай ўйнашини билиб боряпман. Умид қиламанки, яқин орада барчаси изига тушади.
- Ҳакамлик борасида нима дея оласиз?
- Ҳакамларни муҳркама қилиш менга хос хусусият эмас. Улар ишига баҳо берадиган инсонлар бор.
- Жавоб учрашувида “Нефтчи”да вазиятни ўнглаш учун имконият борми?
- Футболда ҳар доим имконият мавжуд. Ҳамма ғалаба қозонишни истайди. Юқорида айтганимдек олдинда қиладиган ишларимиз кўп.
“Нефтчи” ПФК матбуот хизмати
