Мадриднинг "Реал" клуби собиқ дарвозабони, ҳозирда "Ньюэллс Олд Бойз" шарафини ҳимоя қилаётган Кейлор Навас Войцех Шеснининг ўйини ҳақидаги фикрлари билан ўртоқлашди.
Коста-Рикалик футболчининг ўзи ҳам ўтган йилнинг кузида "кўк-анорранглилар" сафига қўшилиши мумкин эди, ўшанда Марк-Андре тер Штеген жароҳат туфайли сафдан чиққан эди, аммо якунда Каталония гранди Шеснини ўз сафига қўшиб олди.
"Шеснининг "Барса"даги ўйинидан ҳайрон эмасман. У дарвозабонлик қобилиятини йўқотмаган. Ҳаммаси унга қанчалик сабр билан имконият беришларига боғлиқ," - дея Наваснинг сўзларини келтиради испан ОАВ.
