"Интер"нинг собиқ бош мураббийи Андреа Страмаччони "Милан"ни ҳужумчи Лука Йовични сақлаб қолишга чақирмоқда.
Яқинда сербиялик футболчи кубок ярим финалида Милан дербисида дубль қайд этиб, бутун Италияни ўзи ҳақида гапиришга мажбур қилди. "Россонерилар" 3:0 ҳисобида ғалаба қозониб, финалга йўл олди. Ҳужумчининг амалдаги шартномаси ёзда тугайди - у тез орада эркин агентга айланиши мумкин.
"Жамоада қимматбаҳо янги футболчи Хименес борлигига қарамай, Йовичга ишониб, унга имконият бергани учун Консейсауга таҳсин айтаман. "Милан" ўрнида бўлганимда Лукани ушлаб қолган бўлардим. Уни текинга қўйиб юбориш катта хато," - дея Страмаччони сўзларини келтиради Milan Posts.
