Таниқли инсайдер Жанлука ди Марцио "Милан" бош мураббийи Сержиу Консейсаунинг келажаги ҳақида гапирди.
Тахминларга кўра, португалиялик ёзда мавсум якунларидан қатъи назар клубни тарк этиши мумкин. Яқинда "россонерилар" Италия кубоги ярим финалида "Интер"ни мағлуб этиб, финалга чиқишди (икки ўйин натижасига кўра 4:1), аммо вазият аввалгидек қолмоқда.
"Консейсау қолиши мумкинми? Ростини айтсам, мен бундай деб ўйламайман. "Милан"да янги циклни бошлашмоқчи, лойиҳани қайта ишга туширишмоқчи," - деди ди Марцио.













