Ёзда Сандро Вагнер ўз илтимосига кўра Германия футбол иттифоқини тарк этади. Бош мураббий Юлиан Нагельсманн билан келишилган ҳолда, 37 ёшли мутахассис Миллатлар лигасининг финал тўртлигидан сўнг Германия терма жамоаси бош мураббийи ёрдамчиси сифатидаги фаолиятини якунлайди.
"Германия терма жамоасида ёрдамчи мураббий сифатида ишлаш мен учун катта шараф эди. Мен ҳар доим бундай имкониятдан миннатдорман ва буюк мураббийлар жамоаси билан биргаликда жуда кўп ютуқларга эришганимиздан фахрланаман. Хусусан, ўз уйимдаги Европа чемпионати мен учун унутилмас тажриба бўлиб қолади.
Аммо мен тез орада кейинги қадамни ташламоқчиман. Ҳеч кимга сир эмаски, менинг катта орзум бош мураббий бўлиш", - деди Вагнер.
Қўшимча қилиб ўтамиз, Вагнер 2023-йилнинг сентябридан бошлаб мураббий ёрдамчиси сифатида ишлаб келмоқда.
