Ҳакам Бенгоэчеа "Реал" ТВ ҳакамларга босим ўтказаётгани ҳақида гапирди.
Аввалроқ Мадрид клуби телевидениеси Рикардо де Бургос Бенгоэчеанинг Испания кубоги финалида "Барселона"га қарши ўйинга тайинланганини танқид қилиб, ҳакамнинг "Реал" рақиблари фойдасига бир қатор хатоларга йўл қўйганини кўрсатган видеони намойиш этганди.
"Мактабда болангга отасини "ўғри" дейишса ва уйига йиғлаб келса - бу жуда оғир. Менинг қўлимдан келадиган ягона нарса - ўғлимни шундай тарбиялашга ҳаракат қилишим керакки, у отаси ҳар қандай спортчи каби хато қиладиган ҳалол инсон эканлигини билсин.
Бу жуда оғир, ҳеч кимга буни раво кўрмайсиз. Мен ўқишни тугатган куним ўғлим ўз отаси билан, шунингдек, бизни қадриятларга ўргатадиган ҳакамлик билан фахрланишини истайман.
Ҳозир кўплаб ҳамкасбларим бошидан кечираётган ҳолатлар адолатсизликдир. Ва бу нафақат профессионал футболга, балки болалар ва ўсмирлар футболига ҳам тегишли. Ҳар бир киши биз қайси йўналишда боришни хоҳлаётганимиз, спорт ва футболдан нимани хоҳлаётганимиз ҳақида ўйлаши керак," - деди Бенгуэчеа.
