Hakam Bengoechea "Real" TV hakamlarga bosim o‘tkazayotgani haqida gapirdi.
Avvalroq Madrid klubi televideniyesi Rikardo de Burgos Bengoecheaning Ispaniya kubogi finalida "Barselona"ga qarshi o‘yinga tayinlanganini tanqid qilib, hakamning "Real" raqiblari foydasiga bir qator xatolarga yo‘l qo‘yganini ko‘rsatgan videoni namoyish etgandi.
"Maktabda bolangga otasini "o‘g‘ri" deyishsa va uyiga yig‘lab kelsa - bu juda og‘ir. Mening qo‘limdan keladigan yagona narsa - o‘g‘limni shunday tarbiyalashga harakat qilishim kerakki, u otasi har qanday sportchi kabi xato qiladigan halol inson ekanligini bilsin.
Bu juda og‘ir, hech kimga buni ravo ko‘rmaysiz. Men o‘qishni tugatgan kunim o‘g‘lim o‘z otasi bilan, shuningdek, bizni qadriyatlarga o‘rgatadigan hakamlik bilan faxrlanishini istayman.
Hozir ko‘plab hamkasblarim boshidan kechirayotgan holatlar adolatsizlikdir. Va bu nafaqat professional futbolga, balki bolalar va o‘smirlar futboliga ham tegishli. Har bir kishi biz qaysi yo‘nalishda borishni xohlayotganimiz, sport va futboldan nimani xohlayotganimiz haqida o‘ylashi kerak," - dedi Benguechea.
