Франция чемпионатининг 31-турида "ПСЖ" ўз майдонида "Ницца"га ютқазиб қўйди - 1:3.
Меҳмонлар сафида Морган Сансон дубль қайд этди. 34 ва 46-дақиқаларда хавбек ўз ҳисобига гол ёздириб қўйди. Яна бир голни 70-дақиқада Юсуф Ндайишимие киритди. "Ницца" Жанлуижи Доннарумманинг дарвозасига учта зарба йўллаб, учта гол урди.
Парижликларнинг ягона голи Фабиан Руис ҳисобига ёзилди (41-дақиқа).
"ПСЖ" (78) Лига 1нинг ушбу мавсумида илк бор мағлубиятга учради. Аввалроқ жамоа муддатидан аввал чемпионликни нақд қилиб қўйганди.
"Ницца" (54) турнир жадвалида тўртинчи ўринга кўтарилди.
