Испания Кубоги финалида Антонио Рюдигер қизил карточка олди.
"Барселона" финалда "Реал"ни 3:2 ҳисобида мағлуб этиб, чемпионликни қўлга киритди.
Иккинчи экстра-таймга қўшиб берилган вақтда бош ҳакам Рикардо де Бургос Бенгоэчеа Килиан Мбаппенинг Эрик Гарсияга нисбатан ишлатган фоли учун "Реал" ҳужумини тўхтатди.
Бу эпизод бу пайтда захирада ўтирган Антонио Рюдигернинг ғазабини қўзғатди. Ҳакам 122-дақиқада "Реал" ҳимоячисига қизил карточка кўрсатди - немис ҳакамга қандайдир буюм отди. Marca нашрининг таъкидлашича, бу муз бўлаги бўлган.
"Реал" мураббийлар штаби аъзолари дарғазаб бўлган Рюдигерни четлатилганидан кейин ушлаб қолилшди.
Винисиус ва Лукас Васкес ҳам норозилик билдириб, қўлларини фаол силкитди.
















