18 июнь куни сафарда Жанубий Корея меҳмони бўладиган Эрон терма жамоаси ҳали корейсларни сафарда расмий учрашувлар доирасида мағлубиятга учрата олмаган.

Икки жамоа ўзаро 26 маротаба тўқнаш келишган бўлса, уларда ҳозирча устунлик Эрон терма жамоаси тарафида. Форслар 10та ўйинда устун келишган бўлса, 9та баҳс корейсларнинг ғалабаси билан якун топган. Қолган 7та учрашув дуранг натижа билан тугаган. Аммо тўплар нисбати Корея тарафида - 29-32.

Эътиборли томони, Эрон Корея майдонида 8 марта меҳмон бўлиб, фақат икки марта ғалаба қозонган ва ўша икки учрашув ҳам ўртоқлик мақомида эди. Аммо бошқа тарафдан Корея ҳам ҳали Эрон майдонидан ғалаба билан қайтган эмас.

Келинг, Эрон тарафдан умумий статистика билан танишсак:
Уйда: 5 ўйин, 3 ғалаба, 2 дуранг, 0 мағлубият, 8-3 тўплар нисбати.
Сафарда: 8 ўйин, 2 ғалаба, 4 дуранг, 2 мағлубият, 6-7 тўплар нисбати.
Нейтрал майдонда: 13 ўйин, 5 ғалаба, 1 дуранг, 7 мағлубият, 15-22 тўплар нисбати.
ЖАМИ: 26 ўйин, 10 ғалаба, 7 дуранг, 9 мағлубият, 29-32 тўплар нисбати (-3).