Денни Мерфининг фикрича, Виржиль ван Дейк "Ливерпул"нинг мавсумдаги энг муҳим футболчиси.
"Салоҳ ва Виржиль ван Дейк ажойиб эди. Салоҳ - бу аниқ танлов, чунки унинг голлари ва узатмалари ўйинни ўзгартирди, аммо бошқаларга таъсири туфайли ван Дейк янада муҳимроқ бўлганини айтган бўлардим.
Ибраҳима Конате ва Раян Гравенберх - бу нидерландияликнинг ёнида бўлишдан катта фойда кўрган икки футболчи. Ван Дейк нафақат сардор, балки "Ливерпул"нинг ўрнини боса олмайдиган ягона футболчи.
Бир неча йил аввал жароҳат олиб, жамоа формаси тушиб кетганида гувоҳи бўлгандик. У хотиржамлик, етакчилик ва чидамлилик нуқтаи назаридан монументал эди", - деди “Ливерпул”нинг собиқ ярим ҳимоячиси Мерфи.
