"Ливерпуль" ҳужумчиси Муҳаммад Салоҳ нима учун аввалгидан ҳам кўпроқ гол ва голли узатмаларни амалга ошираётганини айтиб ўтди.
Якшанба куни "қизиллар" "Тоттенхэм"ни тор-мор этиб (5:1), чемпионликни қўлга киритган бўлса, мисрлик футболчи яна бир бор рақиб дарвозасини ишғол қилди. Эндиликда ҳужумчи АПЛда 34 та ўйинда 28 та гол ва 18 та ассистни ўз ҳисобига ёздириб қўйди - у иккала кўрсаткич бўйича ҳам чемпионатда ишончли етакчилик қилмоқда.
"Слот бошчилигида мендан кўп ҳимояланиш талаб этилмайди - тактика бутунлай бошқача. Мен унга: "Менга ҳимояда дам олишга рухсат берсанг, мен ҳужумда натижани таъминлайман," дедим. Шундай бўлганидан хурсандман. У менинг гапларимга қулоқ солди ва энди қандай кўрсаткичларга эга эканлигимни кўриб турибсиз," - дея Салоҳнинг сўзларини келтиради журналист Бен Жейкобс.
