Андони Ираоланинг айтишича, "Борнмут" Эванилсоннинг четлатилиши бўйича апелляция беради.
АПЛнинг 34-турида “Борнмут” “Манчестер Юнайтед” билан дуранг ўйнади (1:1). 70-дақиқада Эванилсон Нуссаир Мазрауига зарба бергани учун майдондан четлатилди - ҳакам Питер Бенкс дастлаб форвардга сариқ карточка кўрсатди, бироқ видеотакрорни кўриб чиқиб, уни тўғридан-тўғри қизил карточкага алмаштирди.
"Футбол ўйнаган одам тушунади. У сирпаниб кетди. У рақибни атайлаб тепмади, аммо бунинг оқибати қизил карточкага лойиқ кўрилди ва менимча, қарор адолатсиз бўлди. У яна учта ўйинни ўтказиб юборади. Биз учун оқибати катта йўқотиш бўлди.
Албатта, биз шикоят қиламиз", - деди “Борнмут” бош мураббийи.
