Элис Бен-Сегирга Премьер-лига ва Бундеслиганинг топ-клублари қизиқиш билдирмоқда.
L’Équipe хабарига кўра, 20 ёшли ярим ҳимоячи шу ёзда "Монако"ни тарк этиш масаласини кўтариши мумкин.
Сўнгги ойларда у ҳақида бир қанча клублар суриштирув ўтказди: Англиянинг "Манчестер Сити" ва "Ливерпуль" клублари, шунингдек, Германиянинг "Бавария" ва "Байер" клублари.
Шу пайтгача “Монако” ҳар доим шартномаси 2027 йилнинг июнигача амал қиладиган футболчига умид боғлашини айтиб келган.
Франциялик футболчининг нархи ҳозирда 30 миллион еврога баҳоланмоқда.
Жорий мавсумда Бен Сегир Лига 1да 30 та ўйин ўтказиб, 6 та гол урди ва 3 та голли узатмани амалга оширди.













