"Бавария" ярим ҳимоячиси Жошуа Киммих ҳамон собиқ жамоадоши Тьяго Алкантарадан ҳайратда.
Немис футболчиси вақти-вақти билан ҳимоянинг ўнг қанотига жойлаштирилади, аммо унинг ўзи, маълумки, тўп билан доимий алоқада бўладиган ва ўйинга кўпроқ таъсир ўтказа оладиган таянч зонасида ўйнашни афзал кўради.
Бундан ташқари, Sport1 хабарига кўра, жамоа ичидаги суҳбатларда Киммих Леон Горецка ёки Жоау Палинья каби футболчилар билан эмас, балки тўпни назорат қилувчи таянч ярим ҳимоячи билан жуфтликда ўйнаш унинг учун энг қулай эканини бир неча бор айтиб ўтган.
Жошуанинг фикрича, бу борада майдон марказидаги идеал шерик 2020 йилда жамоани тарк этган Тьяго Алкантара эди.
Ҳозирги таркибда бу профилдаги фақат битта футболчи бор - ёш Александр Павлович.
