Чоршанба куни "Барселона" Чемпионлар лигасининг биринчи ярим финалида "Интер"ни қабул қилади. Италия клуби ўйинга кетма-кет учта мағлубият билан яқинлашмоқда. Бироқ “Барселона” бош мураббийи Ханс-Дитер Флик бунга унчалик аҳамият бермаяпти.
"Интер"нинг учта мағлубияти? Бу бошқа нарса. Чемпионлар лигаси чемпионликни қўлга киритиш учун ажойиб имконият. Финалгача бор-йўғи иккита ўйин қолди. Ҳамма 100 фоиз борини беради, ўтган ўйинлар муҳим эмас. Мен "Интер"нинг натижалари ҳақида ўйламайман, чунки бу менинг ишим эмас. Футболчиларим бор кучларини беришларига ишонч ҳосил қиламан", - деди Флик матбуот анжуманида.
“Барселона” ва “Интер” учрашуви 30 апрель куни бўлиб ўтади.
