"ПСЖ" Чемпионлар лигасининг биринчи ярим финалида "Арсенал" меҳмони бўлиб, 1:0 ҳисобида ғалаба қозонди. Учрашувнинг энг яхши футболчиси деб топилган парижликлар ярим ҳимоячиси Витинья ўйин якунлангач, ўз фикрини билдириб ўтди.
"Бу ерга келиш ва ғалаба қозониш жуда қийин, биз буни октябрь ойида кўрдик [умумий босқичда "ПСЖ" "Арсенал"га 0:2 ҳисобида ютқазганди]. Одатдагидек тўпга эгалик қилмасак-да, ажойиб ўйин ўтказдик. Мослашишга мажбур бўлдик. Кўпроқ гол уришимиз мумкин эди, лекин натижадан мамнунмиз. Бизга ишонмайдиган одамлар бор, лекин бизга барибир. Биз ўзимизга ишонардик.
Бу ҳали охири эмас. "Парк де Пренц"да ажойиб ўйин ўтказишимиз керак. Бугун биз финалга чиқишни хоҳлаётганимизни кўрсатдик," - деди Витинья Cанал+.
