"PSJ" Chempionlar ligasining birinchi yarim finalida "Arsenal" mehmoni bo‘lib, 1:0 hisobida g‘alaba qozondi. Uchrashuvning eng yaxshi futbolchisi deb topilgan parijliklar yarim himoyachisi Vitinya o‘yin yakunlangach, o‘z fikrini bildirib o‘tdi.
"Bu yerga kelish va g‘alaba qozonish juda qiyin, biz buni oktyabr oyida ko‘rdik [umumiy bosqichda "PSJ" "Arsenal"ga 0:2 hisobida yutqazgandi]. Odatdagidek to‘pga egalik qilmasak-da, ajoyib o‘yin o‘tkazdik. Moslashishga majbur bo‘ldik. Ko‘proq gol urishimiz mumkin edi, lekin natijadan mamnunmiz. Bizga ishonmaydigan odamlar bor, lekin bizga baribir. Biz o‘zimizga ishonardik.
Bu hali oxiri emas. "Park de Prens"da ajoyib o‘yin o‘tkazishimiz kerak. Bugun biz finalga chiqishni xohlayotganimizni ko‘rsatdik," - dedi Vitinya Canal+.
