"Челси" раҳбарияти "Астон Вилла" футболчиси Морган Роджерсни ўз сафига қўшиб олмоқчи. Бу ҳақда Independent хабар бермоқда.
24 ёшли ҳужумкор ярим ҳимоячи "кўклар"нинг яқин ёзги трансферлар учун устувор мақсадларидан бири ҳисобланади, аммо "Астон Вилла" жорий мавсумда ажойиб формага кирган футболчи билан хайрлашишни исташи даргумон.
Куни кеча "Астон Вилла" молиявий фейр-плей қоидаларига риоя қилиш учун Дуглас Луисни "Ювентус"га трансфер қилишга мажбур бўлган айтилди. Манбага кўра, Рожерс билан ҳам худди шундай ҳолат такрорланиши мумкин.













