Миржалол Қосимов бош мураббийлигидаги Ўзбекистон миллий терма жамоаси 18 июнь куни Қатар терма жамоасига қарши ўйин олдидан Тошкентдаги «ЖАР» стадионида ўз машғулотларини давом эттирмоқда.
Миллий терма жамоа аъзолари 14 июнь куни соат 18:00да «ЖАР» стадионида Қатар терма жамоасига қарши ўйин олдидан ўзининг навбатдаги ўйинолди машғулотини ўтказди. Эслатиб ўтамиз, Қосимов шогирдлари 18 июнь куни ЖЧ-2014 сўнгги саралаш босқичи 10-тури доирасида Тошкентдаги «Бунёдкор» стадионида Қатар миллий терма жамоасига қарши учрашувда майдонга тушади.
Қатар миллий терма жамоаси делагацияси 16 июнь, якшанба куни Тошкентга ташриф буюради.
Қуйида, Ўзбекистон миллий терма жамоасининг 14 июнь куни «ЖАР» стадионида олиб борган машғулотларидан фотосуратларни томоша қилишингиз мумкин. Суратлар муаллифи ЎФФ матбуот хизмати фотомухбири Ҳасан Пирмуҳамедов.
