Навбатдаги турга жиддий тайёгарлик кўраётган “Навбаҳор” жамоаси бугун ҳам машғулот ўтказди. Мураббийлар футболчиларни ўйин амалиёти билан таъминлаш мақсадида икки тарафлама назорат учрашуви ташкил қилишди.
Икки таркиб оқ ва сариқ либосли жамоаларга бўлинишди. Қизғин ва муросасиз кечган бахс оқ либосли жамоа фойдасига 2:0 ҳисобида якунланди. Учрашувдаги ҳар икки голга ҳам Рўзимбой Аҳмедов муаллифлик қилди.
«Оқлар»: Виктор Мочалов, Ботир Тўрабоев, Маҳсуд Ҳайитов, Собир Ҳамидов, Аъзам Алиев, Леонид Кошелев, Акрам Бахриддинов, Илҳом Бойдедаев, Ғайрат Жўраев, Абдураззоқ Жўраев, Рўзимбой Аҳмедов
«Сариқлар»: Денис Романенко, Абдумажит Тоиров, Жаҳонгир Меҳмонов, Виталий Почуев, Қаҳрамон Маҳамаджонов, Тимур Султонов, Соҳиб Абдуллаев, Обид Ҳакимов, Азим Аҳмедов, Абдуазиз Султонов.
Шундан сўнг қанотлардан унумли фойдаланишга мўлжалланган машқлар ўтказилди. Шунингдек футболчилар узоқ масофдалардан зарба бериш бўйича ҳам шуғулланишди. Айтиш жоизки, барча клуб аъзоларининг кайфиятлари аъло даражада. 11-тур олдидан жамоа ички муҳити яхши. Эртадан бошлаб машғулотлар икки маҳалдан ўтказилади.
