"Интер Майами" КОНКАКАФ Чемпионлар Кубогидаги ўйинини якунлаб, "Ванкувер Уайткэпс"га умумий ҳисобда 1:5 ҳисобида мағлуб бўлди.
Меҳмондаги 0:2 ҳисобидаги мағлубиятдан сўнг ўз майдонида 1:3 ҳисобида мағлуб бўлган клуб реванш ололмади. Биринчи ҳолатда бўлгани каби Лионель Месси ўйинни асосий таркибда бошлаб, финал ҳуштагигача ўйнади, аммо гол ура олмади. Аргентиналик юлдузнинг гол ва голли узатмасиз серияси шу тариқа тўртта ўйинга етди. Бу форварднинг "Интер Майами"даги шахсий антирекорди ҳисобланади.
Лионель Месси 2025 йилги мавсумда Хавьер Маскерано жамоаси сафида 13 та ўйинда 8 та гол ва 3 та голли узатмага муаллифлик қилган.
