Англиянинг "Вулверхэмптон" клуби футболчиси Фабиу Силва Испаниянинг "Атлетико" клуби эътиборига тушди. Бу ҳақда Marca хабар бермоқда.
Силва айни дамда ижара асосида "Лас-Палмас" шарафини ҳимоя қилмоқда. Катта эҳтимол билан у АПЛда қолмайди, чунки "Вулверхэмптон" футболчини мавсумолди йиғинига жалб қилмоқчи эмас. "Атлетико"дан ташқари, ушбу ҳужумчининг ўйини "Вильярреал"ни ҳам қизиқтириб қўйди, аммо бу трансфер варианти эҳтимолдан йироқ.
Жорий мавсумда қиймати 20 миллион еврога баҳоланаётган 22 ёшли португалиялик 25 та ўйинда майдонга тушиб, 10 та гол урди ва 3 та голли узатмани амалга оширди.
