Angliyaning "Vulverxempton" klubi futbolchisi Fabiu Silva Ispaniyaning "Atletiko" klubi e’tiboriga tushdi. Bu haqda Marca xabar bermoqda.

Silva ayni damda ijara asosida "Las-Palmas" sharafini himoya qilmoqda. Katta ehtimol bilan u APLda qolmaydi, chunki "Vulverxempton" futbolchini mavsumoldi yig‘iniga jalb qilmoqchi emas. "Atletiko"dan tashqari, ushbu hujumchining o‘yini "Vilyarreal"ni ham qiziqtirib qo‘ydi, ammo bu transfer varianti ehtimoldan yiroq.

Joriy mavsumda qiymati 20 million yevroga baholanayotgan 22 yoshli portugaliyalik 25 ta o‘yinda maydonga tushib, 10 ta gol urdi va 3 ta golli uzatmani amalga oshirdi.