"Бавария" ҳужумчиси Томас Мюллер тез орада эркин агентга айланади. Мюнхенликлар фаолияти давомида бирор марта клубини ўзгартирмаган 35 ёшли фахрийнинг амалдаги шартномасини узайтирмасликка қарор қилди. Журналист Экрем Конур хабарига кўра, айни дамда немисга "Виссел Кобе," "Цинциннати," "Сан-Диего," "Лос-Анжелес" ва "Чикаго Файр" клублари даъвогарлик қилмоқда. Ҳужумчининг ўзи ҳали келажаги борасида бир қарорга келгани йўқ.
Томас Мюллер жорий мавсум "Бавария" сафида жами 41 та ўйинда майдонга тушди ва ўз ҳисобига 6 тадан гол ҳамда ассист ёздириб қўйишга эришди. Умуман олганда, футболчининг ҳисобида 748 та ўйинда 248 та гол ва 274 та голли узатма бор.
