Бирмингемнинг "Астон Вилла" клуби дарвозабони, аргентиналик Эмилиано Мартинес фаолиятини Саудия Арабистони чемпионатида давом эттириши мумкин. Бу ҳақда The Telegraph журналистлари хабар бермоқда.
Манбага маълум бўлишича, Саудия Арабистони клублари дарвозабонни 2024/2025 йилги мавсум якунида қўлга киритмоқчи. Эслатиб ўтамиз, Мартинеснинг инглиз клуби билан амалдаги шартномаси 2029 йилнинг ярмигача мўлжалланган. Эмилиано жамоанинг энг кўп маош олувчи футболчиларидан бири ҳисобланади.
Англия чемпионатининг жорий мавсумида дарвозабон 33 та ўйин ўтказиб, 45 та тўп ўтказиб юборган. Олтита учрашувда у дарвозаси даҳлсизлигини сақлаб қолди.
