Луиш Кампуш ҳозирги "Париж Сен-Жермен" жамоасининг асосий меъмори ҳисобланади. Айнан унинг спорт директори сифатида клуб 2022 йилдан бошлаб Усмон Дембеле, Бредли Барколя, Дезире Дуэ, Витинья ва Жоау Невеш каби футболчилар билан шартнома имзолади.
Бироқ, Кампушнинг келажаги сўроқ остида қолмоқда. Португалиялик билан музокаралар давом этмоқда, бироқ янги шартнома имзолаш эҳтимоли кундан-кунга камайиб бормоқда ва амалдаги келишув мавсум охирида тугайди. Луис Энрике келажакда Кампушни клубда кўриш истагини очиқ айтди, аммо бу содир бўлмаслиги эҳтимоли ортиб бормоқда.
Агар Кампуш кетса, унинг ўрнига асосий номзод 2017-2019 йилларда "ПСЖ"нинг спорт директори лавозимида ишлаган Антеро Анрике бўлади.
Эслатиб ўтамиз, "ПСЖ" ярим финалнинг биринчи ўйинида "Арсенал" устидан меҳмонда ғалаба қозонганидан сўнг (1:0) Чемпионлар лигаси финалига бир қадам қолди.
