Ханс-Дитер Флик "Барселона" услуби ҳақида фикр билдирди.

Жорий мавсумда Каталония клуби Ла Лиганинг 33 та ўйинида 89 та гол урди ва 32 та гол ўтказиб юборди.

"Кўпчилик бизда қалтис ўйин услуби бор деб ҳисоблайди. Ҳатто Германияда ҳам шундай сарлавҳалар пайдо бўляпти - ўқидим.

Лекин бошқа жамоаларга қарайдиган бўлсак, масалан, "Реал"га (66 та гол урилган, чемпионатда 31 та тўп ўтказиб юборилган), улар ҳам кўп гол ўтказиб юборган, деб ўйлайман. Унчалик фарқи йўқ.

Бироқ биз кўпроқ гол урдик. Футболимиз хавфли кўриниши мумкин, лекин менга ўйинимиз, услубимиз ёқади.

Биз жамоа сифатида яхши ва тартибли ўйнашимиз керак," - деди "Барселона" бош мураббийи Ханс-Дитер Флик.