Xans-Diter Flik "Barselona" uslubi haqida fikr bildirdi.
Joriy mavsumda Kataloniya klubi La Liganing 33 ta o‘yinida 89 ta gol urdi va 32 ta gol o‘tkazib yubordi.
"Ko‘pchilik bizda qaltis o‘yin uslubi bor deb hisoblaydi. Hatto Germaniyada ham shunday sarlavhalar paydo bo‘lyapti - o‘qidim.
Lekin boshqa jamoalarga qaraydigan bo‘lsak, masalan, "Real"ga (66 ta gol urilgan, chempionatda 31 ta to‘p o‘tkazib yuborilgan), ular ham ko‘p gol o‘tkazib yuborgan, deb o‘ylayman. Unchalik farqi yo‘q.
Biroq biz ko‘proq gol urdik. Futbolimiz xavfli ko‘rinishi mumkin, lekin menga o‘yinimiz, uslubimiz yoqadi.
Biz jamoa sifatida yaxshi va tartibli o‘ynashimiz kerak," - dedi "Barselona" bosh murabbiyi Xans-Diter Flik.
