Венсан Компани "Бавария" зиёфатга эмас, ўйинга тайёргарлик кўриши кераклигини айтди.
Мюнхен клуби "Лейпциг" устидан ғалаба қозонса, бу мавсумда Бундеслига чемпиони бўлиши мумкин.
"Биз ғалаба қозониб, чемпион бўлишни истаймиз. Бу зўр бўларди. Бу финал. Умид қиламанки, биз буни қиламиз. Ўйинга одатдагидек тайёргарлик кўряпмиз. Мен байрам қилишга эмас, балки ўйинга тайёрланяпман.
Рақибда иқтидор ва сифат етарли, яхши ёш футболчилар кўп. Улар ўтган турда "Айнтрахт"га ютқазишганди. Шунинг учун улар тўлиқ куч билан ўйнашади, ҳужум қилишади, деб ўйлайман.
Жамоалар "Бавария"га қарши кескин қарорлар қабул қилмоқда. Ўйлайманки, "Лейпциг" рақиб сифатида ўзининг энг яхши вариантини кўрсатади. Бу оғир бўлади.
Биз базмга эмас, ўйинга тайёргарлик кўришимиз керак," - деди "Бавария" бош мураббийи Венсан Компани.
