Эрик Гарсиянинг клуб билан шартномаси 2026 йилнинг ёзига қадар мўлжалланган. Бироқ, спорт директори Деку келаси мавсумда жамоада шартномаси якунига этиб бораётган бирорта ҳам ўйинчи қолмаслигини таъминламоқчи. Бу борада "Барселона" бир қарорга келиши керак: ё Гарсияни сотиш ёки унга янги шартнома таклиф қилиш.
Diario Sport хабарига кўра, клуб иккинчи вариантга қарор қилган ва Гарсияга янги шартнома таклиф қилинади. Бошқа клубларнинг қизиқишига қарамай, футболчи "Барселона"ни афзал кўришда давом этмоқда.
Бу мавсумда Гарсия “Барселона” сафида барча турнирларда 39 та ўйинда майдонга тушиб, 3 та гол ва 2 та голли узатмага муаллифлик қилган.
