"Арсенал" бош мураббийи Микель Артета германиялик ҳужумкор ярим ҳимоячи Кай Хаверц мавсум якунига қадар сафга қайтиши мумкинлигини айтди.
"Ўйлайманки, у мавсум охиригача ўйнайди. Агар ҳаммаси ҳозиргидек кетса, у мавсум якунига қадар бир неча ўйин ўтказиш имкониятига эга бўлади", - деди Артета.
Февраль ойида Хаверц сонини операция қилдирди. Ўшанда 25 ёшли германиялик футболчи бу мавсумда бошқа майдонга тушмаслиги тахмин қилинганди. Бироқ ярим ҳимоячининг жароҳатидан тикланиш жараёни кутилганидан тезроқ кетмоқда ва у бу мавсумда сафга қайтиши мумкин.
"Канонирлар" айни дамда АПЛ турнир жадвалида иккинчи ўринда бормоқда ва навбатдаги ўйинни "Борнмут"га қарши ўтказади (3 май). Жамоани "ПСЖ"га қарши жавоб учрашуви ҳам кутиб турибди.
