Ярим ҳимоячи Деклан Райс "Арсенал" сафидаги 100-ўйинини ўтказишга тайёргарлик кўрмоқда. Футболчи ҳақида Лондон жамоаси бош мураббийи Микель Артета фикр билдирди.
"Райс ўз ўйинида, жамоа ва клубга мослашишида барқарорлик кўрсатди. Ақл бовар қилмайдиган трансфер," - деди Артета журналистларга матбуот анжуманида.
Деклан Райс 2023 йилнинг ёзида "Вест Хэм"дан трансфер қилинганидан кейин "Арсенал" таркибига қўшилганди. Матбуотда Лондон клуби хавбек учун қарийб 117 миллион евро тўлагани ҳақида хабарлар чиқди.













