"Барселона" бош мураббийи Ханс-Дитер Флик дарвозабон Марк-Андре тер Штегеннинг "Вальядолид"га (2:1) қарши ўйиндаги ҳаракатлари ҳақида фикр билдирди.
Сентябрь ойидан буён жароҳати сабаб майдонга тушмаётган германиялик посбоннинг узоқ кутилган сафга қайтиши шанба куни бўлиб ўтди. Каталония гранди 6-дақиқадаёқ гол ўтказиб юборди, аммо иккинчи бўлимдаги иккита гол эвазига ғалабани илиб кетди.
"Тер Штеген яхши ҳаракат қилди. "Вальядолид"нинг голи билан боғлиқ эпизодда унинг омади келмади, аммо у ўзини жуда яхши кўрсатди - айниқса, иккинчи бўлимда. Буни кузатиш ёқимли бўлди," - дея Фликнинг сўзларини келтиради испан ОАВ.
