"Манчестер Сити" ярим ҳимоячиси Кевин де Брюйне клублар ўртасидаги жаҳон чемпионатида иштирок этишдан бош тортгани ҳақидаги маълумотга изоҳ берди.
Ўтган ой охирида матбуотда бельгиялик футболчининг июнь ойида бўлиб ўтадиган клублар ўртасидаги жаҳон чемпионати ўйинларида иштирок этишдан бош тортиш нияти ҳақида маълумотлар пайдо бўлди. Келаётган ёзда хавбек эркин агентга айланади.
"Мен ҳали "Манчестер Сити" билан клублар ўртасидаги жаҳон чемпионатидаги иштироким масаласини муҳокама қилмаганман, шунинг учун билмайман. Клуб буни муҳокама қилишни истаса, мен очиқман, аммо ҳозирча бунга ишончим комил эмас," - дея де Брюйненинг сўзларини келтиради City Xtra.
25 май куни АПЛнинг сўнгги туридан ўрин олган "Фулхэм"га қарши ўйин бўлиб ўтади ва бу юлдуз футболчи учун "шаҳарликлар" сафидаги сўнггиси бўлиши мумкин.
