"Бавария" бош мураббийи Венсан Компанининг отаси Пьер Компани жамоанинг деярли ҳал қилинган Бундеслига чемпионлиги ҳақида гапирди.
Бельгиялик мураббий ўтган ёзда, мюнхенликлар муваффақиятсизликка учраган 2023/24 йилги мавсумдан сўнг лавозимини эгаллаганди.
"Бу биз учун алоҳида лаҳза. "Манчестер Сити"да чемпион бўлганини футболчилигидаёқ кўрганман, "Бёрнли" билан Чемпионшипда ғолиб бўлганини кўрганман, аммо "Бавария" мураббийлигида чемпион бўлгани бошқа. Бу жаҳон футболининг чўққиси. Оиламиз учун энг катта воқеа, машаққатли меҳнат учун мукофот," - дея Пьер Компанининг сўзларини келтиради Bayern & Germany.
