Мадриднинг "Реал" клуби ярим ҳимоячиси Федерико Вальверде "Сельта" билан Испания чемпионати 34-тур учрашувидан (3:2) сўнг "Барселона" билан бўлажак ўйиннинг аҳамияти ҳақида гапирди. Мадриднинг “Реал” клуби 11 май куни Ла Лиганинг 35-турида “Барселона”га қарши баҳс олиб боради.
"Менимча, бу бизнинг бу йилги энг муҳим ўйинимиз. Бу бизнинг чемпионликни қўлга киритиш, курашда қолиш учун сўнгги имкониятимиз. Бу муҳим ўйин ва барча мадридликлар бу ўйинда ғалаба қозонишни хоҳлайди, шунинг учун биз уч очко олиш учун қўлимиздан келганини қилишга ҳаракат қиламиз", - деди Вальверде "Реал" расмий сайтига.
Ўтказилган 34 ўйиндан сўнг "Реал" 75 очко билан Ла Лига турнир жадвалида иккинчи ўринда бормоқда. 2024/2025 йилги Испания чемпионати турнир жадвалида 79 очко тўплаган Каталониянинг “Барселона” клуби етакчилик қилмоқда.
