Машҳур германиялик собиқ мураббий Юпп Хайнкес "Байер" ярим ҳимоячиси Флориан Вирц ҳақида фикр билдирди.
Европа грандлари 21 ёшли юлдузни ўз сафига қўшиб олиш иштиёқида ёнмоқда. Унга "Бавария," Мадриднинг "Реал" ва "Манчестер Сити" клублари асосий даъвогар бўлиб турибди.
"Вирц жиддий йигит, у ўзининг ички овозига қулоқ солиши керак. Флорианни ажойиб ўйинчи деб ҳисоблайман, аммо у ҳали кўплаб тўсиқларни енгиб ўтиши керак. Мбаппенинг "Реал"даги ҳолати бундай миқёсдаги топ-клубга ўтгандан кейин қанчалик қийин бўлиши мумкинлигини кўрсатади. Психологик барқарорлик жаҳон даражасидаги футболчининг карьерасидаги асосий таркибий қисмдир.
Тони Кроос буни ажойиб тарзда уддаларди, ўз ўйинини доимий равишда такомиллаштириб борарди ва менимча, Вирц ҳам шунга ўхшаш менталитетга эга. Ўйлайманки, уни ҳам ажойиб карьера кутмоқда," - деди Хайнкес Kicker нашрига берган интервьюсида.
